"मैत्र" जिवाचे माउली गाते
हिरवे नाते मनामनाचे
अवखळ खळखळ
निर्झर निर्मळ
जसा झरा वाही
मैत्री जन्माची पुण्याई......
"मित्र" म्हणता -"मी"- पण गळते
हृदयी चे - "ते"- हृदयी कळते
कळकळ तळमळ
आर्जव आग्रह
मित्र सर्व काही
मैत्री जन्माची पुण्याई......
मैत्री नाते निळ्या नभाचे
श्याम सख्याची मुरली गाते
घननिळ मधुशीळ
अवघे गोकुळ
कृष्ण सुदामा ही
मैत्री जन्माची पुण्याई......
"नाते" - ना- ते रक्त मागते
"मित्रांगणी" या
जीवन फूलते
मैत्रीचा हा गुलाल उधळत
दिशा - दिशा गाई
मैत्री जन्माची पुण्याई......
हिरवे नाते मनामनाचे
अवखळ खळखळ
निर्झर निर्मळ
जसा झरा वाही
मैत्री जन्माची पुण्याई......
"मित्र" म्हणता -"मी"- पण गळते
हृदयी चे - "ते"- हृदयी कळते
कळकळ तळमळ
आर्जव आग्रह
मित्र सर्व काही
मैत्री जन्माची पुण्याई......
मैत्री नाते निळ्या नभाचे
श्याम सख्याची मुरली गाते
घननिळ मधुशीळ
अवघे गोकुळ
कृष्ण सुदामा ही
मैत्री जन्माची पुण्याई......
"नाते" - ना- ते रक्त मागते
"मित्रांगणी" या
जीवन फूलते
मैत्रीचा हा गुलाल उधळत
दिशा - दिशा गाई
मैत्री जन्माची पुण्याई......
माझी कविता ... मयुरेश साने...दि २२ -सितम्बर-10
No comments:
Post a Comment