पुन्हा पुन्हा जन्मेन मी - नेण्या तुला माझ्या घरी .

तीच तू जागेपणी अन
तीच तू स्वप्नान्तरी
मी झोपलो की जागती
स्वप्ने खुळी वेड्यापरी

तीच तू श्रुन्गारिशी
माझिया गीतान्तुनी
पाहसी का आरसा?
बघ गीत माझे लोचनी

बघ तुझ्या माझ्यात आता
फ़क्त स्वप्नांचे धुके
तू दवात नाहता
माझी ओलावली बघ पापणी

स्वप्नात तू माझी खरी
मग जागेपणी का स्वप्न तू?
पुन्हा पुन्हा जन्मेन मी
नेण्या तुला माझ्या घरी .

माझी कविता ... मयुरेश साने... दी.०१-०५-२०१०