सोवळ्याचा सोस - पाळा पुर्वजांचा वारसा
चेहरा दे कोणताही -बाटतो का आरसा ?
मी भला माणूस होतो - राहिलो निस्संग मी
पत्थराच्या पास कोणी - ठेवतो का आरसा ?
हासती माझ्यावरी - ते - बोलती "वेडा" मला
हासणार्या सांग रे ! - "तू " टाळतो का ? आरसा !
गोठलेल्या आसवांनी - गाडल्या मी "त्या" स्म्रुती
कोण दाटे लोचनी ते दावतो का ? आरसा !
लाख जोंबाळा असत्ये या जगाला जिंकण्या
जे खरे ते दाविल्याविण राहतो का आरसा ?
मयुरेश साने..दि.२९-ऑक्टोबर-२०१०.
No comments:
Post a Comment