अंत्य संस्कारास सजणे - हा खरा सत्कार आता..........

पश्चिमा होऊन ढळणे - राहिले भाग्यात आता
काजवा होऊन उड़णे - हा खरा सत्कार आता


काळजाच्या आत कुढणे - राहिले भाग्यात आता
कंदिलाची वात बनणे - हा खरा सत्कार आता


जातिने माणूस दळणे- राहिले भाग्यात आता
अंत्य संस्कारास सजणे - हा खरा सत्कार आता


बेगडी हास्यास भुलणे- राहिले भाग्यात आता
आसवांच्या आत बुड़णे- हा खरा सत्कार आता


आज नेत्यांचे बरळणे- राहिले भाग्यात आता
कुंपणाने शेत चरणे - हा खरा सत्कार आता


मयुरेश साने.. दि ०३-अक्टूबर 10