जिंकलो होतो इथे अन्-बघ कुठे सत्कार झाले..

दुखः आता फार झाले
जिवनाचे सार झाले

वाटले होतील माझे
तेच होते ठार झाले

पाशवी त्यांच्या मढ्याचे
लाघवी संस्कार झाले

तू मला चंदा म्हणाली (स)
चांदण्याचे वार झाले

आसवे येतात इतकी
हासणे ही भार झाले

भेट झाली वाळवंटी
सूर्य सारे गार झाले

वेतनाची वाढ कुठली ?
वाढते खिंडार झाले

संपन्न जितका होत गेलो
शत्रुसारे यार झाले

जिंकलो होतो इथे अन्
बघ कुठे सत्कार झाले

मयुरेश साने..दि..२७-फेब-११