जगावे कसे ?...........

इथे पुण्य पापातुनी जन्मलेले
निरप्राध सांगा ठरावे कसे ?

वडवानळाचाच भाऊ किनारा
तारु किनारी तरावे कसे ?

बरळून त्यांनी चुका रोज केल्या
मुका रोज तरी मी चुकावे कसे ?

इथे पूर डोळ्यातुनी सांडताना
कंठातुनी गीत गावे कसे ?

इथे चंदनाने दिली गंधवार्ता
संपून ही मी ऊरावे कसे !

नमस्कार करता मला बोध होतो
दुभंगुनही मी जुळावे कसे !

इथे एक वेडाच सांगून गेला
शोध घेण्या स्वत: चा हरावे कसे !

जिथे पिंजरा - खास आभाळ आहे
तिथे स्वैर भावे उडावे कसे ?

न्याय होईल केव्हा ? आरोपी पळाला
पुरावे आता सापडावे कसे ?

मयुरेशला एकदा सांग बाप्पा !
आजन्म मरण्या जगावे कसे?

मयुरेश साने... दि.२३-डिसेंबर-१०