शब्द माझे सोबती झुंजार मी

संकटे येताच त्यावर स्वार मी
घेतली नाही कधी माघार मी

पाहती उंचावुनी मज अंबरे
घेतला मातीतुनी आकार मी

कर्मभूमी हीच माझी पंढरी
घेतगेलो रोकडा जोहार मी

थंड रक्ताची कशी ही माणसे ?
धुमसता राखेतला अंगार मी

दुख माझे हासुनी सांगे मला
सोबती झालास तू सौख्यात मी

रूप ते होते कुणाचे सांग ना ?
रोज केला आंधळा श्रुंगार मी

मोकळा स्वच्छंदि मी माझ्यातला
या जगाशी पाळतो व्यवहार मी

लेखणी नाही अरे बंदूक ही
शब्द माझे सोबती झुंजार मी

मयुरेश साने..दि..१७-मार्च-११